Қызылорда қаласының прокуратурасы алимент бойынша қарызы бар борышкерлердің букмекерлік кеңселерде қыруар қаражатқа бәс тігіп жүргенін анықтады, деп хабарлайды Malim.kz.
Бас прокуратураның мәліметінше, биыл 135 борышкер әкімшілік жауапкершілікке, 4 борышкер қылмыстық жауаптылыққа тартылған.
Мысалы, бір борышкердің балаға төленетін алименті бойынша қарызы 5,2 млн теңгені құрағанымен, ол 2 млн теңгеге жуық қаражатты «Олимп» букмекерлік кеңсесінде ұтылғаны белгілі болды, деп жазылған хабарламада.
Аталған борышкерге қатысты Қылмыстық Кодекстің 139-бабымен қылмыстық іс тіркеліп, алимент қарызын толық өтегеннен кейін жәбірленушімен татуласып, ақталмайтын негіздермен қылмыстық іс тоқтатылған.
Фото: halyq-uni.kz
