ҰҚК Ақмола облысы бойынша департаменті қыркүйекте Ерементау ауданында прокуратура органдарының үйлестіруімен синтетикалық есірткі өндірісіне қатысты жасырын зертхананың әрекетін тоқтатқан, деп хабарлайды Malim.kz.
Комитет мәлімдеуінше, күдікті есірткі затының кезекті партиясын дайындап жатқан кезінде ұсталып, соттың санкциясымен қамауға алынған.
Одан 7 келіге жуық «мефедрон» психотропты заты, 100 литрден астам прекурсор, сондай-ақ, синтетика жасауға арналған зертханалық жабдықтар тәркіленген.
Қазір оған қатысты Қылмыстық кодекстің 297-бабының 3-бөлімі бойынша сотқа дейінгі тергеп-тексеру жүріп жатыр.
Фото: ҰҚК
