Ақтау тұрғыны жедел жәрдем бригадасын әзіл үшін шақырған. Енді ол 80 мың теңге көлемінде айыппұл төлеуге міндеттеледі, деп хабарлайды Malim.kz жергілікті Lada.kz-ке сілтеме жасап.
Маңғыстау облыстық жедел және шұғыл медициналық жәрдем станциясының баспасөз қызметі оқиғаның егжей-тегжейін хабарлады.
Баспасөз қызметінің мәліметінше, оқиға 14 қазанда болған.
«103» пультіне көптеген дәрі-дәрмектерді қабылдағаны туралы хабарлаған Ақтау қаласының тұрғынынан шақыру келіп түсті. Жедел жәрдем бригадасы шақыруға шыққанда, тұрғын «пранк» ұйымдастырғанын айтты», - деді медициналық мекеменің баспасөз қызметі.
Осыған байланысты шақыру ҚР Әкімшілік құқық бұзушылық туралы Кодексінің 438-бабына сәйкес жалған болып тіркелді.
Арнайы қызметтерді көрінеу жалған шақыртқаны үшін Ақтау қаласының тұрғынына 80 мың теңге көлемінде айыппұл салынды.
Фото: pixabay.com
Байланысты жаналықтар
MalimBlocks
