Bek Air ұшағы апатының тергеуі неге 5 жылға созылғаны белгілі болды

Арман Қайыпхан

  • 05.02.2025

Бас көлік прокуратурасы 2019 жылғы Bek Air ұшағы апатын тергеу неге 5 жылға созылғанын түсіндірді, деп хабарлайды Malim.kz.

Бұл туралы ведомствоның 2024 жылғы жұмыс қорытындысы бойынша алқа отырысында айтылды.

Бас көлік прокуратурасының мәліметінше, республиканың көлік инфрақұрылымының бір проблемасы - білікті мамандардың тапшылығы.

"Мысалы, көлік министрлігінің авиациялық оқиғаларды тергеу басқармасы қызметкерлерінің кәсіби деңгейінің әлсіздігіне байланысты 2019 жылы Bek Air әуе компаниясының ұшағының апатқа ұшырауын тергеу 5 жылдан астам уақытқа созылды. Тергеу басқармасындағы 6 тергеушінің біреуі ғана жеткілікті тәжірибеге ие болды. Білікті кадрлардың тапшылығын Қазақстанның авиациялық әкімшілігі де бастан өткерген. Прокуратураның бірқатар ұсынуларынан кейін Көлік министрлігі 2024 жылы өз қызметкерлері үшін біліктілікті арттыру және тағылымдама курстарын шетелде де ұйымдастырды, тергеушілер штатын құруға кадрлық тәсіл қайта қаралды. Бұл белгілі бір дәрежеде Ақтау қаласы маңындағы Әзербайжан әуе компаниясының соңғы апатын тергеудің сапасы мен деңгейіне оң әсерін тигізді", - делінген хабарламада.

Ведомство Bek Air әуе кемесінің апатқа ұшырағаны туралы сотқа дейінгі іс жүргізу аяқталды, іс материалдарымен қылмыстық процеске қатысушылар танысып жатқанын мәлімдеді.

Еске салайық, Bek Air ұшағының әуе апаты 2019 жылдың 27 желтоқсанында болған еді. Ұшақ Алматыдан Астанаға (ол кезде Нұр-Сұлтан) бағыт алған болатын, бірақ ұшқаннан кейін бірден биіктігін жоғалтып, қоршауды бұзып, әуежай маңындағы екі қабатты коттеджге соғылды. Ұшақ бортында 93 жолаушы және бес экипаж мүшесі болған. Апат салдарынан 12 адам қаза тапты.

Ал 2024 жылғы желтоқсанда Bek Air ұшағының апатына қатысты тергеу қайтадан жүргізілуі мүмкін екені айтылған еді.

Фото: "Атамекен" ҰКП

Байланысты жаналықтар

«Қазақтелекомға» қарсы тергеу басталды

19.03.2025

Тағы бір ұшақ құлап, 12 адам қаза тапты

18.03.2025

947 миллион теңге жымқырған экс-депутат қамауға алынды

17.03.2025

«Миллионмен декретке» курсының авторларына қылмыстық іс қозғала ма?

12.03.2025

Ақтаудағы ұшақ апаты: тергеу қорытындысы қашан шығатыны белгілі болды

06.03.2025

Шерзат Болаттың өлімі: үйін өртегендер әлі табылған жоқ

06.03.2025
MalimBlocks
«Қазақтелекомға» қарсы тергеу басталды

Байланыс операторларының интернет бойынша бағасы зерттелді

Тағы бір ұшақ құлап, 12 адам қаза тапты

Ұшақ апатынан 12 адам қаза тауып, бесеуі аман қалды. Оның себебі анықталып жатыр

947 миллион теңге жымқырған экс-депутат қамауға алынды

170 млн теңгені Қонаев қаласындағы казиноға құртқан

«Миллионмен декретке» курсының авторларына қылмыстық іс қозғала ма?

Босану төлемдерін шамадан тыс рәсімдеген 113 адамның үстінен қылмыстық 16 іс қозғалған

Ақтаудағы ұшақ апаты: тергеу қорытындысы қашан шығатыны белгілі болды

Шерзат Болаттың өлімі: үйін өртегендер әлі табылған жоқ