Сот билікті асыра пайдаланды деп айыпталған бұрынғы Ішкі істер министрі Ерлан Тұрғымбаевтың ісіне қатысты үкім шығарды, деп хабарлайды Malim.kz.
Астана қаласының қылмыстық істер жөніндегі ауданаралық соты экс-министр Ерлан Тұрғымбаевты "билік өкілетін асыра пайдалану" бабы (362-бап, 4-бөлігі) бойынша кінәлі деп тауып, оны бес жылға шартты жазамен соттады.
Сот таратқан мәліметке қарағанда, прокурор Тұрғымбаевты бес жылға түрмеге кесуді сұраған. Бірақ, экс-министр "өзіне тағылған айыптарды толық мойындап өкінгендіктен" оған шартты жаза берілген.
Бұл іске «ҚҰПИЯ» деген белгі берілгендіктен, сот жабық өтті.
Сот сотталушыны он жыл белгілі бір қызметтерді атқару құқынан айырған және арнаулы атақтары мен мемлекеттік наградаларынан айыруға ұсыныс енгізу туралы шешім қабылдады.
Фото: gov.kz
Байланысты жаналықтар
MalimBlocks
