Астана қаласының кәмелетке толмағандардың істері жөніндегі мамандандырылған ауданаралық соты кәмелет жасына толмаған жасөспірімнің мүлкін тонағандарға қатысты қылмыстық істі қарады, деп хабарлайды Malim.kz.
Қала сотының мәлімдеуінше, олар жәбірленушіні ұрып-соғып, ұялы телефонын, күміс сақинасын және жемпірін тартып алып, жалпы құны 500 мың теңге материалдық залал келтірген.
Сотталушылар кінәсін мойындап, жасаған іс-әрекеттеріне өкініп, оларды бас бостандығынан айырмауды сұраған.
Сот айыпталушылардың бірінің қылмыстық құқықбұзушылық жасаудағы белсенді рөлін және кәмелетке толғанын ескере отырып, оны 3 жылға бас бостандығынан айырды. Ал екінші сотталушы кәмелетке толмаған және залалды өз еркімен өтегендіктен, ол 1 жылға бас бостандығын шектелді.
Фото: egov.kz
Байланысты жаналықтар
MalimBlocks
