Конституциялық Сот «Төрелік туралы» заңнаманы жетілдіру мәселесін қарауды ұсынды

Конституциялық Сот «Төрелік туралы» Заңның 52-бабы 3-тармағының Конституцияға сәйкестігін тексеру туралы жеке тұлғаның өтінішін қарап, көрсетілген норманы Конституцияға сәйкес деп таныды, деп хабарлайды Malim.kz.

Конституциялық Сот мәлімдеуінше, аталған норма төрелік шешімнің күшін жою және атқару парағын беруден бас тарту туралы өтінішті қарау кезінде сот төрелік шешімін мәні бойынша қайта қарауға құқылы емес.

Сонымен бірге, Конституциялық Сот құқықтық салдардың заңдық дәлдігі мен болжамдылығына қатысты құқықтық актілерге қойылатын талаптардың сақталмағанын анықтаған.

Конституциялық бақылау органы қорытынды шешімінде заңдардың нормалары жеткілікті анықтықпен тұжырымдалуы керек әрі оларды қолайсыз түсіндіру мүмкіндігін болдырмайтын түсінікті критерийлерге негізделуі тиіс екенін атап өтті. Осыған байланысты Үкіметке қаралған заңнамалық актілердің нормаларының құқықтық анықтығы мен айқындылығын қамтамасыз ету мақсатында «Төрелік туралы» заңнаманы одан әрі жетілдіру туралы мәселені қарауды ұсынды, деп жазылған ресми хабарламада.

Фото: egemen.kz