Қарағанды облысының тұрғындары тамыздың соңғы жексенбісінде дәстүрлі кеншілер мерекесін атап өтті, деп хабарлайды Malim.kz.
Қарағанды облысы полиция департаментінің хабарлауынша, халық саны миллионға жақындаған кеншілер астанасында сенбінің кешінде Қазақстан және Ресей эстрада жұлдыздарының қатысуымен концерттік бағдарлама ұйымдастырылды. Қаланың орталық алаңына бұл концерттік бағдарламаны тамашалауға 50 мыңға жуық көрермен жиналды.
Іс-шара кезінде қоғамдық қауіпсіздікті қадағалауға полиция департаментінің 500-ден астам жеке құрамы жұмылдырылды. Полиция қызметкерлері концерт кезінде ата-анасы және жақындарынан адасып қалған 35 баланы тауып, туысқандарына қайтарды.
Фото: instagram/policeofkaraganda
