Мемлекеттік айыптаушы – прокурор өз үйінде сату мақсаты болмаған, бірақ жеке пайдалануы үшін құрамында есірткі заттары бар өсімдіктерді заңсыз егіп, өсірген екі сотталушының кінәсін дәлелдеді, деп хабарлайды Malim.kz.
Бірінші сотталушы үй бөлмесінде тұқымдар мен қажетті құрал-жабдықтарды алдын-ала сатып алып, каннабис (қарасора) өсірген.
Екіншісі өз үйінің бақшасында өсірген.
Сот үкімімен кінәлілердің әрқайсы 3 жылға бас бостандығынан айыру жазасымен сотталды.
Сот актілері заңды күшіне енді.
Астана қаласы прокуратурасы құрамында есiрткi заттары бар, өсiруге тыйым салынған өсiмдiктердi заңсыз егіп, өсіру үшін 8 жылға дейін бас бостандығынан айыру жазасы қарастырылғанын ескертеді.
Айта кету керек, заң бойынша есірткі, психотроптық заттар және сол тектестер өнімдерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу жайттары үшін мүлкін тәркілеп, 20 жылға дейінгі мерзімге бас бостандығынан айыру не өмір бойына бас бостандығынан айыру жазасы көзделген.
Фото: Астана қаласы прокуратурасы
