Сотталғандардың денсаулығына қауіп төнген. 12 адам жауапқа тартылды
Қарағанды облысында сотталғандардың құқығы бұзылған. Прокуратура
тексеріс барысында сотталғандардың өмірі мен денсаулығына қауіп төндіретін коммуналдық қызмет саласындағы өрескел заң бұзушылықтарды тіркеді.
- Онкологиялық, бүйрек аурулары, асқазан-ішек жолдары және эндокриндік жүйе сияқты аурулары бар сотталғандар қосымша тамақтандыруға құқылы. Тексеру Қарағанды облысының мекемелерінде сотталғандар ет, жеміс-жидек және басқа да қажетті өнімдердің қосымша порциясын алмағанын көрсетті, - делінген Қарағанды облысының прокуратурасы таратқан хабарламада.
Прокуратураның қадағалау актісі бойынша кінәлі 12 тұлға тәртіптік жауапкершілікке тартылды. Заң бұзушылықтар жойылды, 565 сотталғанның конституциялық құқы қорғалды.
Бұл мәселе Қарағанды облысының Үйлестіру кеңесінің отырысында талқыланып, уәкілетті органдарға нақты ұсыныстар дайындалды.
Фото: freepik.com
Самое читаемое
