ШҚО-да қызметкерлеріне 4 млн теңге жалақы төлемеген кәсіпорын жазаланды
Ал жалақылары толық берілген
ШҚО Самар ауданында «Самар» КМК еңбек кодексінің талаптарын бұзып, 37 қызметкерге тамызда жалпы көлемі 4,1 млн теңге жалақы төлемегені анықталды, деп хабарлайды Malim.kz.
ШҚО прокуратурасының мәлімдеуінше, бұл жайт аудан прокуратурасы жүргізген талдау барысында анықталған. Прокуратураның қадағалау актісі бойынша 2024 жылғы 1 қазанда қызметкерлер алдындағы борыш толық көлемде өтелген.
Сондай-ақ, жалақыны уақытылы төлемегені үшін кәсіпорын ӘҚБтК-нің 87-бабы бойынша 221 520 теңге көлемінде 60 АЕК мөлшерінде айыппұл түрінде әкімшілік жауапкершілікке тартылған.
Фото: egemen.kz
