Жапонияда Ёнтама есімді мысық ресми түрде теміржол станциясының "бастығы" қызметіне кірісті. Осылайша ол туристерді көптеп тартқан әрі жергілікті теміржол желісінің жандануына ықпал еткен ерекше дәстүрді жалғастырды, деп хабарлайды Malim.kz.
Kyodo агенттігінің мәліметінше, Ёнтаманың салтанатты таныстырылымы Киси станциясында өтті. Ол 2025 жылдың қарашасында өмірден өткен алдыңғы "станция бастығы" Нитаманың орнын басты. Ал бұл дәстүрдің іргесі 2007 жылы қаланып, сол кезде дәл осы станцияда Тама есімді мысық алғаш рет "бастық" болып тағайындалған еді.
Айта кетейік, мысықтың станция бастығы ретіндегі қызметі символдық сипатқа ие. Ол теміржол желісінің жылы жүзді тұмары саналып, жолаушылар мен туристердің назарын аударуға көмектеседі. Осы бастама арқасында өңірге келушілер саны артып, жергілікті теміржолға деген қызығушылық қайта жандана түскен.
