Мәжіліс депутаты Ардақ Назаров отырыс барысында анасын мерейтойымен құттықтағаны үшін сынға алғандардың барлығын аналарына құрмет көрсетпейтіндер деп айыптады, деп хабарлайды Malim.kz КазТаг-қа сілтеме жасап.
Мен анасын құрметтемей жүргендерге үлгі болсын деп айттым. Жалпы халық қарсы емес, тек кейбір адамдардың ниеті бөлек. Анасын сыйлай алмайтындар қарсы, ал ата-анасын ардақтайтындар қолдайды. Сондықтан өз бағытымнан қайтпаймын. Анасын, әкесін сыйлаған адам ғана еліне адал қызмет ете алады", – деді ол.
Ол сын айтқандарды өзіне қызғанышпен қарайды деп те айыптады.
Сонымен қатар депутат сайлаушылардың сынына бейжай қарайтынын жасырмады.
«Көрсін, айтсын, жазсын – ол маған маңызды емес, оған ешқандай реакция білдірмеймін, әркім өз деңгейінде», – деді Назаров.
Фото: Мәжіліс
