47 жыл өлім жазасын күткен ер адам қомақты өтемақы алатын болды

Жапонияда өлім жазасын 47 жыл күткен Ивао Хакамада есімді азамат кінәсіз деп танылды. Нәтижесінде үкімет оған 217 миллион иен шамамен 1,44 миллион доллар (500 миллион теңгеден аса) өтемақы тағайындады, - деп хабарлайды Malim.kz тілшісі Stan.kz-ке сілтеме жасап.

Kyodo порталының мәліметінше, кәсіби боксшы Хакамада 1966 жылы төрт адамды өлтірді деген айыппен қамауға алынды. Қаза тапқандар - оның бастығы, бастығының әйелі мен екі баласы. 20 күндік жауап алудан кейін ол кісі өлтіргенін мойындады. Бірақ сотта азапталғаннан соң ғана мойындағаны айтылды.

1968 жылы Хакамада кінәлі деп танылып, ең жоғары жазаға кесілді. Өлім жазасын күтіп, ол 46 жылын түрмеде өткізді. Тіпті Гиннестің рекордтар кітабына енді.

2014 жылы сот сотталушының ДНҚ-сы қылмыс орнында табылған генетикалық қан материалымен сәйкес келмейтінін дәлелдеді.

Ер адамның адвокаттары иісті бұйрықты Жапонияның Сизуока префектурасының аудандық соты шығарғанын хабарлады.

Фото: Facebook/Amnesty International