Euronews Ақтау маңында апатқа ұшыраған ұшақ ресейлік зымыраннан атылғанын мәлімдеді, деп хабарлайды Malim.kz.
Басылым Әзербайжан үкіметіндегі дереккөздерге сүйеніп, апат Грозный үстінде ресейлік «жер-ауа» класты зымыранның атылғанынан болған деп жазады.
Дереккөздер мәліметінше, зымыран Грозный үстінде дрондарға қарсы шаралар кезінде 8432 рейсіне бағытталған, ал зымыран ұшаққа жақын жерде жарылып, оның сынықтары жолаушылар мен экипаж мүшелеріне тиген, - делінген хабарламада.
Үкімет өкілдері Euronews-ке берген мәліметте, зардап шеккен ұшақтың пилоттары авариялық қону жасауға рұқсат сұрағанына қарамастан, Ресей әуежайларында қонуға мүмкіндік берілмегенін және ұшаққа Каспий теңізі арқылы Қазақстанның Ақтау қаласына қарай ұшуға бұйрық берілгенін айтқан.
Сондай-ақ ұшақтың GPS жүйелері теңіз үстінде ұшу барысында толықтай өшірілгені айтылады.
Айта кетейік, әзірге тергеу жүргізіп жатқан елдер тарапынан апаттың себебіне қатысты ешқандай ресми мәлімдеме болмады.
Фото: Маңғыстау облысының әкімдігі
MalimBlocks
Алматыда жүк көлігі 7 жасар қызды қағып кетті: автобус жүргізушісі жауапқа тартылды
Полицейлер Алматыда болған жол апатына қатысты автобус жүргізушісін жауапқа тартты. Жаяу жүргіншілер өткелінде қызды өткізбеген автобус жүргізушісі туралы сөз болып отыр. Бұл туралы ҚР ІІМ Әкімшілік полиция комитетінің төрағасы Қайсар Сұлтанбаев мәлімдеді
