Әлеуметтік желіде Ақтөбеде 7-сынып оқушысына жыныстық зорлық-зомбылық көрсетіліп, салдарынан ол жүкті болып қалды деген ақпарат таралды.
Ақтөбе облыстық полиция департаменті бұл жағдайға қатысты толық мәлімет бере алмады, бірақ оқушының жүктілігі туралы ақпаратты растады. Бұл туралы ZTB News хабарлайды.
Қазір сотқа дейінгі тергеу амалдары жүргізіліп жатыр. Зардап шеккен де, күдікті де кәмелет жасқа толмағандықтан, өзге ақпарат жария етілмейді.
Білім басқармасы берген мәлімет бойынша, оқушының жүктілігі туралы оның анасы шілде айында білген. Осы оқу жылында қыз қашықтан оқуға ауыстырылды.
- Жасөспіріммен аптасына екі рет педагог-психологтар жұмыс істейді. Сынып жетекшісі де үнемі байланыста. Жағдай тұрақты – дейді басқарма өкілдері.
Бұл оқиға қалалық комиссияның отырысында да талқыланып, оқушының анасына ата-аналық міндеттерін дұрыс орындамағаны үшін айыппұл салынды.
Фото: ktk.kz
Байланысты жаналықтар
MalimBlocks
