Астанада жол апатынан бірнеше адам зардап шекті
Әлеуметтік желіде таралған видеоға қарағанда, оқиға Астананың сол жағалауында болған. Бұл туралы azattyq-ruhy.kz сайты хабарлады.
Куәгерлер түсірген видеода бірнеше көліктің соқтығысып тұрғаны, апат болған жерде жедел жәрдем, полиция көлігі тұрғаны байқалады. Көліктердің қатты соқтығысқаны да көрінеді.
Полиция жол апатына қатысты түсініктеме берген. Жол апатына байланысты тексеру жүргізу қолға алынған.
- Jetour автокөлігінің жүргізушісі Қабанбай батыр даңғылынан Қорғалжын тас жолының оң жағымен келе жатып, рульге ие бола алмай қалған. Салдарынан қарсы бағытқа шығып, Chevrolet және Toyota маркалы екі автокөлікпен соқтығысқан. Жол-көлік оқиғасы салдарынан үш адам ауруханаға жеткізілді, - делінген полиция хабарламасында.
Фото: Видеодан скриншот
MalimBlocks
