Астанадағы Министрліктер үйінің маңында жол апаты болды. Жолдан өтіп бара жатқан ер адамды көлік қағып кеткен, деп хабарлайды Malim.kz.
Жол апаты бүгін таңертең Достық көшесінде болған.
Алдын ала мәлімет бойынша Nissan автокөлігінде отырған жүргізуші жолды рұқсат етілмеген жерден кесіп өткен ер адамды қағып кеткен. Зардап шеккен адам ауруханаға жатқызылды, оған медициналық көмек көрсетіліп жатыр, - деп мәлімдеді қалалық полиция департаменті.
Полиция жүргізушілер мен жаяу жүргіншілерді жолда мұқият болуға және жол ережелерін қатаң сақтауға шақырды.
Фото: Видеодан кадр
