Көлік министрлігіндегі комиссия ұшақ апаты болған оқиға орнына барады
Бүгінде Ақтауға 17 халықаралық сарапшы келген
Ақтаудағы ұшақ апаты бойынша құрылған Көлік министрлігіндегі комиссия жұмыс жоспарын нақтылады. Комиссия оқиға орнына толық құраммен бірге барып, апатқа ұшыраған әуе кемесінің элементтері жиналатын арнайы ангарды қарайды, деп хабарлайды Malim.kz.
Көлік министрлігінің мәлімдеуінше, әуе кемесінің элементтерін жинайтын күн бірлесе бекітіледі.
Көлік министрлігі комиссиясының басты мақсаты — авиациялық оқиғаның себебін анықтап, болашақта осындай жағдайды алдын алып, болдырмау үшін ұсыныстар әзірлеу.
Бүгін Марат Қарабаевтың төрағалығымен штабта барлық 17 халықаралық сарапшының қатысуымен жиналыс өтті.
Бұған дейін Халықаралық Азаматтық авиация ұйымы (ИКАО) Бас хатшысының тапсырмасына сәйкес бүгін, 29 желтоқсанда Ақтау қаласына арнайы бақылаушы — авиациялық оқиғаларды тергеу секциясының басшысы Тормодур Тормодсон ұшып келген еді.
Бүгінгі таңда 17 халықаралық сарапшының барлығы Ақтау қаласында.
Фото: Көлік министрлігі
Байланысты жаналықтар
MalimBlocks
