31 жастағы ана 27 қаңтарда сегіз апталық баласынан айрылып, келесі күні өзі көз жұмды, - деп хабарлайды Malim.kz.
Nayza Kokshe мәліметінше, 31 жастағы үш баланың анасы 27 қаңтарда аудандық ауруханаға қан кету диагнозымен түскен. Жүктіліктің тоқтап қалуына байланысты оған ота жасалды.
Үйінде кішкентай балалары бар әйел, ауруханада ұзақ жатудан бас тартты. Дәрігерлердің айтуынша, осы күндері олар әйелмен байланыста болған, ол денсаулығына байланысты ешқандай шағым айтпаған. Ал 29 қаңтарда әйел қар тазалауға шыққаннан кейін жедел жәрдеммен Есіл аудандық ауруханасына жеткізілді. Оған ішкі ағзаларына қанның кетуіне байланысты операция жасалғанымен, құтқару мүмкін болмады.
Ақмола облысының Полиция департаменті осы оқиғаға қатысты тергеу басталғанын хабарлады.
Алдын ала мәліметтер бойынша, 27 қаңтарда марқұм аудандық аурухананың гинекология бөлімшесіне түскен, оған операция жасалған. Сол күні өз қалауы бойынша үйіне жіберілген, бірақ 29 қаңтарда жедел жәрдем көлігімен ауруханаға кетіп бара жатып, қайтыс болды,- деп хабарлады департамент.
Материалдар Денсаулық сақтау министрлігіне тексеруге жолданды.
Фото: pixabay.com
