Жайыққа тасталған бойжеткеннің мәйіті бір айдан бері табылмай жатыр

Атырауда 23 жастағы Яна Легкодимованың денесін іздестіру жұмыстары бір айға жуық уақыттан бері жүргізіліп жатыр.  

«Мой Город» сайтының  мәліметінше, бойжеткеннің денесі әлі табылған жоқ. Яна Легкодимова 18 қазанда үйінен шығып, қайтып оралмады. Бұл күні анасы Ақтауда іссапарда болған. Кейінірек 24 және 25 жастағы екі ер адам қызды өлтіргендерін, қыздың мәйітін Жайыққа тастағанын мойындады. 

Атырау облысы Төтенше жағдайлар департаментінің құтқарушылары 22 қазаннан бері сүңгуір құрылғыларын пайдаланып оқиға аймағында су асты жұмыстарын жүргізіп, шолу жасап жатқанын мәлімдеді. Іздестіру жұмыстарына 5 техника, 7 төтенше жағдайлар қызметі қайығы мен полиция, сондай-ақ 20-дан аса адам қатыстырылған.

Фото: zhaikpress.kz