Абай облысында жауынгерді жауынгерлік көлік басып кеткен
Жауынгер жарақат салдарынан көз жұмған
![](/images/article-img/1600/22770-1719041962-m.jpg)
Абай облысындағы №10810 әскери бөлімінде қайғылы жағдай болған. Әскери бөлімнен 7 шақырым жерде орналасқан Майлино полигонында оқу-жаттығу кезінде жаяу әскердің жауынгерлік көлігі (БМП-2) кері маневр жасап жатып, қатардағы жауынгер Ақан Өрісбайды басып өткен, деп хабарлайды Malim.kz.
EGOV.PRESS телеграм-арнасында жарияланған ақпаратқа қарағанда, техника тізгінінде сол бөлімнің жүргізуші-механигі, келісімшарт қызметінің ефрейторы Дүйсенбеков Нұрсұлтан Төлегенұлы болған.
Ал техника астында қалған жауынгер алған жаратақынан Абай облысы Аягөз ауданы орталық аудандық ауруханасының жедел жәрдем бөлімшесінде көз жұмған.
Фото: vimpel-v.com