1700 литр алма шырыны. Алматылықтар ерекше рекорд жасады
Бұл Қазақстанның ғана емес, әлемнің рекорды
Алматыда Қала күніне орай ұйымдастырылған Apple Fest фестивалінде тұрғындар 1700 литр алма компотын қайнатты.
Биыл 13-ші рет ұйымдастырылып отырған фестиваль тұңғыш президент саябағында өтті. Шара аясында алмадан 1700 литр компот қайнатылды. Бұл Қазақстанның ғана емес, әлемнің рекорды.
Фестивальде алманың 130-дан астам сорты ұсынылды. Ал компотты кәсіби аспаздар әзірлеген. Мерекеге келушілер нәрсудан дәм татты. Бір литр компот 500 теңгеден саудаланды. Ұйымдастырушылардың айтуынша, саудадан түскен қаражат қайырымдылыққа жұмсалады. Атап айтқанда, қаланың саябақтарына ағаш көшеттерін егуге, құстарға ұя мен жем салатын астаулар сатып алынады.
Рекорд Гиннес кітабының талаптарына сай жасалды. Түсірілген материалдар комиссияға жіберіледі.
Фото: belnovosti.by
