Бас прокуратура үш өңірдегі су тасқынына байланысты тергеп-тексеру шараларын бастады

Жергілікті жерлердегі прокурорлар құқық қорғау органдарының заңдылық пен құқықтық тәртіп режимін қамтамасыз ету жөніндегі қызметін үйлестіреді.

Malim Админ

  • 07.04.2024

Прокурорлар Ақтөбе, Алматы, Атырау облыстарында сотқа дейінгі 4 тергеп-тексеруді бастады. Сондай-ақ бюджет қаражатының мақсатты жұмсалуы, су тасқынының алдын алу жөніндегі жоспарлардың уақтылығы мен толықтығы зерттелуде, деп хабарлайды Malim.kz Бас прокуратураның баспасөз қызметіне сілтеме жасап.

Мемлекет басшысының тапсырмасы бойынша бүгінгі күні жергілікті ауқымдағы төтенше жағдай режимі жарияланған 10 облыста уәкілетті мемлекеттік органдар салдарларды жою және азайту, жаңа аумақтарды су басуға жол бермеу жөнінде шаралар қабылдауда.

Авариялық-құтқару жұмыстарына ТЖМ, ІІМ, әкімдіктер мен басқа да қызметтердің 10 мыңнан астам қызметкері жұмылдырылды. Ең күрделі жағдай Ақтөбе, Батыс Қазақстан, Қостанай және Атырау облыстарында қалыптасуда. Прокуратура органдары нақты елдімекендерді су басу, жолдардың, көпірлердің, гидротехникалық және басқа да объектілердің қирау себептерін белгілейді. Атап айтқанда, бюджет қаражатының мақсатты жұмсалуы, су тасқынының алдын алу жөніндегі жоспарлардың уақтылығы мен толықтығы зерттелуде. Қорытындысы бойынша әрбір уәкілетті органның қызметіне тиісті құқықтық баға берілетін болады, - дейді Бас прокуратураның баспасөз қызметі.

Бүгінгі таңда прокурорлар Ақтөбе, Алматы және Атырау облыстарында сотқа дейінгі 4 тергеп-тексеруді бастады. 

Жергілікті жерлердегі прокурорлар құқық қорғау органдарының заңдылық пен құқықтық тәртіп режимін қамтамасыз ету жөніндегі қызметін үйлестіреді.

Проблемалық учаскелерді қоршау және патрульдеу, азаматтардың мүлкін қорғау қамтамасыз етілген.

Осы қиын кезеңде азаматтарды дүрбелеңге түспеуге шақырамыз, әрбір зардап шеккен отбасына қолданыстағы заңнамаға сәйкес толық көлемде көмек көрсетіледі. Бұл мәселе прокуратура органдарының тұрақты бақылауында. Өтемақы алу алгоритмі Үкіметтің қаулысымен бекітілген арнайы ережелермен нақты реттелгенін түсіндіреміз. Жергілікті атқарушы органдар біржолғы материалдық көмек төлеуге кірісті. Жалпы, барлық уәкілетті мемлекеттік органдар мен құқықтық тәртіп органдары еріктілердің қолдауымен күшейтілген режимде жұмыс істеуде, - делінген ведомство хабарламасында.

Су тасқынын оқшаулау және қалпына келтіру жұмыстары жалғасып жатыр.

Фото: интернеттен

Байланысты жаналықтар

«Жалдамалы пәтерде түнеп шыққан». Полицейлер екі қыз баланы ата-анасына табыстады

15.06.2024

Ақтөбеде үй өртеніп, зейнеткер ауруханаға жеткізілді

15.06.2024

Ақтөбеде пойызда зорлық жасаған жолсеріктің бірі мерзімінен бұрын босап шықты

14.06.2024

Алдағы демалыс күндері ауа райы қандай болады

14.06.2024

Бүгін ауа райы қандай болады

14.06.2024

Бүгін ауа райы қандай болады

13.06.2024
MalimBlocks
«Жалдамалы пәтерде түнеп шыққан». Полицейлер екі қыз баланы ата-анасына табыстады

Оларды Алматыдан тауып алған

Ақтөбеде үй өртеніп, зейнеткер ауруханаға жеткізілді

Тілсіз жау 160 шаршы метр аумақты шарпыған

Ақтөбеде пойызда зорлық жасаған жолсеріктің бірі мерзімінен бұрын босап шықты

Сот оның 2022 жылдың жазында мерзімінен бұрын босап шығуға өтініш білдіргенін хабарлады

Алдағы демалыс күндері ауа райы қандай болады

Еліміздің батысында ауа температурасы +33+42°С, оңтүстігінде +35+42°С, оңтүстік-шығысында +28+38°С, солтүстігінде +26+34°С, орталығында +25+33° С дейін, шығыста +21 + 31°С дейін жоғарылайды.

Бүгін ауа райы қандай болады

Ел аумағы бойынша жел күшейеді.

Бүгін ауа райы қандай болады

Жаңбыр жауады, күн күркірейді.