«Бірте-бірте SIT стандартына көшеміз»: Министр ҰБТ форматы өзгеретінін айтты

Бұл – халықаралық деңгейде танылған тест.

Malim Админ

  • 21.05.2024

2025 жылы ұлттық бірыңғай тест тапсырудың жаңа форматы пилоттық жоба ретінде іске қосылады, деп хабарлайды Malim.kz.

Бұл туралы Үкіметте өткен брифингте министр Саясат Нұрбек айтты. 

Жоғары білім және ғылым министрінің сөзінше, әлемнің көптеген елінде тестілеуді алып тастау мәселесі қызу талқыланып жатыр. 

Мәселен, АҚШ пандемия кезінде стандартты тестті алып тастады және университеттер өте күрделі мәселеге тап болды. Орталықтандырылмаған оқуға түсу жүйесіне қарамастан, кем дегенде студенттерді бағалау, салыстыру және іріктеу үшін қандай да бір стандарт қажет, – дейді ол.

Министрдің айтуынша, ведомство 2021 жылдан бастап дүниежүзілік банктің қолдауымен ҰБТ форматын қайта құру және ең бастысы – тест сұрақтарының мазмұнын түбегейлі қайта өңдеу бойынша үлкен жобаны іске қосқан.

Алдыңғы жылы біз екі бағыт бойынша жұмыс істедік. Біріншісі – жаңа формат бойынша тест дайындау. Барлық сұрақтарды мазмұнды түрде қайта қарау керек болды. Өткен аптада бұл компонент аяқталды. Тест дайындауды әлемге әйгілі француз компаниясы жүргізді. Жаңа модель бойынша 350 тестолог дайындалды, – деді министр.

Екінші бағыт – финляндиялық компаниялар тобымен ҰБТ құрылымы бойынша жұмыс.

Бұл арнайы оқытылған тестологтар тобы SIT форматына ұқсас жаңа әдістеме бойынша сұрақтар дайындай бастайды, бұл халықаралық деңгейде танылған тест. Оған қоса, біз базаны құрғанда жаңа ҰБТ форматын пилоттық түрде бастау үшін кем дегенде 50 мың сұрақ әзірлеуіміз керек. Мұнда да мұқият, ұқыпты болуымыз керек, өйткені форматтың күрт өзгеруі де үлкен проблемаларға алып келеді, жоғары сынып оқушыларын осы форматқа дайындау қажет, – деп атап өтті Саясат Нұрбек.

Министрдің айтуынша, биылдан бастап министрлік үлкен пилоттық жобаға дайындықты бастайды.

Біз пилоттық жобаны келесі жылы бастаймыз, жоба ҰБТ форматын бірден өзгертпейді, белгілі бір пилоттық режимде іске қосылады. Бірте-бірте біз SIT халықаралық стандартына көшеміз, онда әрбір талапкердің өзі тестілеу орнын, уақытын таңдайды, дайындалады, тапсырады, сертификат алады, сонымен оқуға түседі, – деді министр.

Фото: tengrinews.kz

Байланысты жаналықтар

Аятжан Ахметжан: Министр Бейсембаев сынаған адамын ата жауы санайды

22.07.2024

Тоқаев екі заңға өзгеріс енгізді

18.07.2024

Елімізде «Жасанды интеллект туралы» заң жобасы әзірленді

16.07.2024

Байден Трампқа жасалған қастандыққа байланысты мәлімдеме жасады

15.07.2024

«Қазақстан - бар ғұмырым!» Астанада Жаңа адамдардың Бірінші жастар Конвенті басталды

13.07.2024

Биылғы ҰБТ-да 628 талапкердің нәтижесі жойылған

13.07.2024
MalimBlocks
Аятжан Ахметжан: Министр Бейсембаев сынаған адамын ата жауы санайды

Министрлік ол  шешімнің күшін  жойып, мектепке құжат қабылдайтын уақытты 1-қыркүйекке дейін созды

Тоқаев екі заңға өзгеріс енгізді

Бұл туралы Ақорданың баспасөз қызметі мәлімдеді.

Елімізде «Жасанды интеллект туралы» заң жобасы әзірленді

Министрлік Мәжіліс депутаттарымен бірлесіп, озық әлемдік тәжірибеге сүйене отырып дайындаған.

Байден Трампқа жасалған қастандыққа байланысты мәлімдеме жасады

Ол саясат «бейбіт пікірталас алаңы» болуы керек екенін және зорлық-зомбылық ешқашан жауап бола алмайтынын айтты. 

«Қазақстан - бар ғұмырым!» Астанада Жаңа адамдардың Бірінші жастар Конвенті басталды

13 шілдеде Астанада «EXPO» алаңында Жаңа адамдар жастар қозғалысының ұйымдастыруымен «Қазақстан – бар ғұмырым!» Бірінші жастар Конвенті басталды.

Биылғы ҰБТ-да 628 талапкердің нәтижесі жойылған

Апелляцияға 65 мыңнан астам өтініш түскен