БҚО-да су тасқыны болған аумақтар түгел дезинфекцияланды
Барлығы 7 мың нысан қамтылған
![](/images/article-img/1600/23230-1720865796-m.jpeg)
БҚО-да су тасқынынан кейін дезинфекциялау жұмыстары толық жүргізілді, деп хабарлайды Malim.kz.
Облыс әкімдігінің мәлімдеуінше, су тасқынынан зардап шеккен Бәйтерек, Қаратөбе, Бөрлі, Теректі, Сырым аудандарында және Орал қаласындағы саяжайларда дезинфекция жұмыстары толық аяқталған.
Нәтижесінде су тасқыны болған 7 мыңға жуық нысанға, оның ішінде тұрғын үйлерге, әлеуметтік нысандарға, су құбырларына дезинфекция жүргізілді. Кейін су құбырларынан ауыз судың сапасы мен қауіпсіздігіне зертханалық бақылау жүргізілді. Нәтижелер нормативке сәйкес келді, деп жазылған әкімдіктің ресми мәлімдемесінде.
Төтенше жағдайлар мамандарымен қатар, дезинфекция жұмыстарын жүргізуге Жамбыл мен Ақтөбе облыстарынан келген әскери мамандар да көмектескен.
Фото: БҚО әкімдігі