«Дінімізде екі атпен жүруге болмайды»: Атышулы трансгендер мешітте есімін өзгертті
Алматылық танымал трансгендер Наиль Тұрғанов мешітке барып, есімін азан шақырып «Ника» деп өзгертті, деп хабарлайды Malim.kz.
Бұл туралы блогер Instagram-парақшасында жазды.
Дінімізде екі атпен жүруге болмайды. Атам азан шақырып, атымды Наиль деп қойды. Араб тілінен аударғанда бұл есім «жетістікке жету», «мақсатқа жету», «сыйға лайық», «пайда» деген мағынаны білдіреді. Қазір мені барлығы «Ника» деп атайды. Ника – грек тілінен аударғанда «жеңіс» дегенді білдіреді. Әрі ежелгі Грекиядағы жеңіс құдайының аты, – дейді ол.
Наиль Тұрғанов бұл әрекетін жеңіске балап отырған көрінеді.
Мен өткерген жолымды жеңістің бір түрі деп білемін. Анам екеуіміз мешітке барып, есімімді өзгертуді жөн көрдік. Енді бұдан былай мен Никамын. Түсінемін, мен ауыр күнә жасадым. Бірақ егер шын ниетіммен кешірім сұрасам, Алла мені кешіреді деп үміттенемін. Анам Алланың мейірімді екенін, егер шын көңілмен рақым етуін сұрасам кешіретінін айтты, – дейді атышулы трансгендер.
Алайда оның бұл тірлігі желі қолданушыларына ұнамай қалды. Олар трансгендерді «жерден алып, жерге салып» жатыр.
«Сен имамды алдап соқтың», «Мынау расымен дінді мазақ етіп отыр», «Дінімізде еркек әйел болып, мешітке барып азан шақыртып ат қоюы дұрыс па?», «Бұл қаншалықты шариғатқа сай», «Имам да қызық, қалай азан шақырып жатыр?», «Алладан қорық», «Масқара», – деп пікір жазып жатыр желі қолданушылары.
Фото: интернеттен
Байланысты жаналықтар
MalimBlocks
