FlyArystan басшысы ұшаққа отырғызылмаған қыздың анасынан кешірім сұрады
Әуе компаниясы осы жағдайға байланысты бірқатар шешім қабылдамақ
FlyArystan әуе компаниясының басшысы Ричард Леджер ұшаққа отырғызылмаған 12 жасар қыз Зере Галиеваның анасымен кездесу үшін арнайы Орал қаласына ұшып келді, деп хабарлайды Malim.kz.
Тараптар болған жағдайдың себептерін егжей-тегжейлі талқылады. FlyArystan әуекомпаниясының ресми өкілі қыздың отбасынан кешірім сұрады. Кездесуде Көлік министрлігінің қызметкерлері де болды. Әуе компаниясы кездесу нәтижесімен және қабылдаған шешімдерімен қосымша бөліседі, деп жазылған хабарламада.
Айта кетейік, 21 шілдеде болған оқиға туралы анасы Жазира Мусина әлеуметтік желіге жазған еді. Зере мен Зәуре есімді егіз қыздары АҚШ-тан қайтып келе жатқанда Оралға Астана арқылы Оралға транзитпен жетуі керек болған. Бірақ әуе компаниясы олардың біреуін ғана тіркеген. Соның кесірінен Зере ұшаққа жіберілмей, кейінгі ұшаққа отырғызылған.
Фото: Көлік министрлігі
Байланысты жаналықтар
MalimBlocks
