«Істеген жамандығын Аллаға жаба салады»: Дінтанушы Атырау облысында болған оқиғаға қатысты пікір білдірді

Оның айтуынша, адамды жұдырықтың астына алу, өлімге дейін жеткізу, имандылықты былай қойғанда, адамшылыққа жатпайды! 

Берік Дәулетов

  • 19.06.2024

Белгілі дінтанушы, теолог Кеңшілік Тышқанұлы Атырау облысындағы базарлардың бірінде болған оқиғаға қатысты пікір білдірді, деп хабарлайды Malim.kz.

Шатақ дін,

Бұл күнде дұрыс иман жоқ,

Шатақ дін нәпсі тыйған жоқ.

Ақылы саудың ойына,

Алдамшы діндер сыйға жоқ (Шәкәрім)! Бірер күн бұрын Атырауда болған жағдайға байланысты әртүрлі пікірлер айтылды, айтылып да жатыр, айтыла да береді. Бірақ қазіргі дін неге адам нәпсісін тыя алмайды? Пайғамбар сүннеті деп сақалға соншалықты жабысқандар арам-адалды неге ажыратып жатпайды, пайғамбар өсиетін неге орындамайды? Неге кейбір діншілдер «Сыртын қанша жуса да, іші оңбаған» (Абай)? Әрине, біреулер үшін исламофобия жасауға сылтау да болар. Дегенмен, шатақ дінге ұрынғандармен жиі жолығамыз, - деп жазды ол facebook-парақшасында.

Дінтанушының айтуынша, адамды жұдырықтың астына алу, өлімге дейін жеткізу, имандылықты былай қойғанда, адамшылыққа жатпайды! 

Әртүрлі жағдайға ұрынып алып «Алланың қалауы!» дейтіндер де көбейіп келеді. Құранда: «адам өзінің қолымен істегенін көреді» (Нәжім 39) десе олар өзінің істеген жамандығын Аллаға жаба салады. Адам дінге емес, дінді өзіне бейімдейтіндер бар. Міне, қарапайым күн көріп жүрген адамды жұдырықтың астына алу, өлімге дейін жеткізу имандылықты былай қойғанда адамшылыққа жата ма?! Асан қайғы айтқандай:

Өлетұғын тай үшін,

Көшетұғын сай үшін

Желке терің құрысып,

Ешкімменен ұрыспа!

Ашу дұшпан, артынан

Түсіп кетсең қайтесің,

Түбі терең қуысқа?! Көлікті сырып кеткені үшін үлкен адамға жұдырық ала жүгірудің соңында бір әулетті қара жамылтып қанша баланы әкесіз, қанша немерені атасыз қалдырды! Алла иманын жолдас қылсын марқұмның. Артында қалғандарға сабыр берсін!

Пайғамбардың: «Ашулансаң отыра қал, оған басылмаса жата қал!» деген өсиетін оқыған әсіре діншілдер неге бұл өсиетті орындамайды. Сұрақ көп. Кейде «Бір құмалақ...» деп ақталып та жатамыз. Бірақ, мәселенің бәрі тыңдаған уағызда, санаға сіңген идеологияда. Намаз оқымайтын адамды алдауға болады, ұрлап алсаң сауап болады, «Кәпірлерге» өтірік айта салу керек дейтін тіркестерді өздеріне әдет қылғандар түбі имандылық қылып жарытпасы анық.

Осында бір ініміз «Тоғызыңда қандай болсаң, тоқсаныңда сондай боласың!» деп мәдениет те, өнер де, дін де адамды өзгерте алмайды депті. Шарасыздықтан айтылған болар. Десе де, шатақ дін нәпсі тыймайтынына көз жетті. Е, Жаратқан өзі жар болсын!.. - деп жазды теолог.

Еске салсақ, бұған дейін Атырау облысындағы базарлардың бірінде «Газель» көлігін мінген Амандық Сағынғалиев есімді зейнеткер Мұхтар Ахмедов деген азаматтың «Мерседес» көлігінің есігін сырып кеткенін, сол жерде жанжал басталып, «Мерседес» иесі «Газель» жүргізушісін бірнеше рет соққының астына алғанын жазған болатынбыз. Жас азаматтың ауыр соққыларынан кейін зейнеттегі кісі есін жыя алмай, қайтыс болған еді. 

Фото: интернеттен

Байланысты жаналықтар

Бозымбаев еліміздің батыс өңірлерін дамытуға қатысты кеңес өткізді

04.07.2024

Атырау облысында төтенше жағдай режимі алынып тасталады

01.07.2024

Атырау облысының шекарасы өзгереді

01.07.2024

Атырау облысында найзағай түсіп, шетел азаматы қаза тапты (видео)

27.06.2024

Криминалист Жәрдем Тағаев: Біздің қызметте жаңсақ басуға әсте болмайды

20.06.2024

Суға батқан адамдарды құтқарған атыраулық полицейлер марапатталды

20.06.2024
MalimBlocks
Бозымбаев еліміздің батыс өңірлерін дамытуға қатысты кеңес өткізді

Сондай-ақ ол экологиялық проблемаларды шешуге ерекше назар аударуды тапсырды.

Атырау облысында төтенше жағдай режимі алынып тасталады

Атырау облысында табиғи сипаттағы төтенше жағдай режимі 7 сәуірде болған су тасқынына байланысты жарияланған еді

Атырау облысының шекарасы өзгереді

Құжат 15 шілдеге дейін қоғамдық талқылау үшін "Ашық НҚА" сайтында орналастырылған.

Атырау облысында найзағай түсіп, шетел азаматы қаза тапты (видео)

Салынып жатқан үйдің ас бөлмесінде адам болғаны анықталды

Криминалист Жәрдем Тағаев: Біздің қызметте жаңсақ басуға әсте болмайды

Криминалистсіз бірде-бір тергеу басталмайды, оқиға орнына келгенге дейін ешкімнің қылмыс болған жерде қозғалуға немесе ештеңені ұстауға құқығы жоқ.

Суға батқан адамдарды құтқарған атыраулық полицейлер марапатталды

Полицейлер Атырау облысы Құрманғазы ауданы полиция бөлімінде қызмет етеді.