Кентауда үйлерді су басып қалды: Әкімдік не дейді
ТЖД күштері мен жергілікті әкімдік қызметкерлері суды сору және бұру жұмыстарын жүргізді.
Түркістан облысының Кентау қаласында нөсер жаңбыр жауып, салдарынан үйлерді су басып қалды, деп хабарлайды Malim.kz.
Қала әкімдігі болған жағдайға түсінік берді.
15 сәуірде сағат 16:00-ден 17:10-ға дейін жауған жауын-шашын салдарынан Кентаудағы 3 жеке тұрғын үйдің ауласы мен 1 үйдің жертөлесін, 1 үйді толық және «Салиха ана» базарындағы 26 бутикті су басты, - делінген хабарламада.
ТЖД күштері мен жергілікті әкімдік қызметкерлері суды сору және бұру жұмыстарын жүргізді. Қазір қалада жағдай тұрақталған.
Фото: ТЖМ
