2024 жылы Өзбекстан халқы 743,4 мың адамға немесе 2%-ға көбейген. 2025 жылғы 1 қаңтардағы есеп бойынша 37 543,2 мың адамға жетті, деп хабарлады Өзбекстанның статистика агенттігі.
Өзбекстан Орталық Азиядағы жан-саны ең көп мемлекет және халықтың өсу қарқыны жоғары. Дегенмен, елдегі халықтың өсу қарқыны өткен жылмен салыстырғанда төмен болды (өткен жылы 2,2% болған).
Өзбекстан статистиктерінің мәліметі бойынша, өткен жылы елде 926,4 мың бала дүниеге келіп, 174,4 мың адам қайтыс болды.
Өткен жылы Өзбекстанға тұрақты тұруға 2,2 мың адам келген (оның 36%-ы Ресейден, 24%-ы Қазақстаннан), ал елден 10,8 мың адам көшіп кеткен (оның 81%-ы Қазақстанға көшкен).
Ташкенттің халқы 2025 жылдың 1 қаңтарына қарай 3 112,8 мың адамға жетті. Өзбекстан астанасы Орталық Азиядағы ең үлкен қала саналады
Фото:kazaknews.kz
Байланысты жаналықтар
MalimBlocks
