Қазақстан ChatGPT-ке салық салды
Қазақстанда танымал жасанды интеллект чат-ботын жасаған америкалық OpenAI компаниясы салық төлеуші ретінде тіркелді. Бұл туралы Мемлекеттік кірістер комитеті хабарлады, - деп жазады Malim.kz.
2025 жылғы мамырдан бастап OpenAI, L.L.C. — Қазақстан азаматтарына ақылы цифрлық қызмет көрсететін шетелдік жеткізушілердің шартты тіркелген тізіміне ресми түрде енгізілді. Бұл дегеніміз — OpenAI Қазақстандағы жеке тұлғаларға қызмет көрсеткені үшін қосылған құн салығын (ҚҚС) төлеуге міндетті.
Мемлекеттік кірістер комитетінің мәліметінше, "Google салығы" 2022 жылдан бері қолданыста. Оның мақсаты — Қазақстанның цифрлық нарығында жұмыс істейтін трансұлттық ІТ-компанияларға әділ салық салу жүйесін қалыптастыру.
Айта кетейік, ChatGPT — пайдаланушы сұраныстарын түсініп, мәтіндер құрастыратын, хат жазуға, аударуға, код жазуға және оқуға көмектесетін интеллектуалды чат-бот. Көптеген адам оны виртуалды көмекші, кеңесші және жұмыс құралы ретінде пайдаланады.
Фото: businessinsider.com
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
