Ресейде сотталған қазақстандықтар Украинаға қарсы соғысқа қатысып жатыр ма
Қазақстанның 10-ға жуық азаматы тергеуде екендігі туралы фактілер бар.
Тергеуде жүрген немесе Ресей түрмелерінде отырған Қазақстан азаматтары Украинаға қарсы соғысқа алынып жатқаны туралы ақпарат тараған болатын. Бүгін Қазақстан Сыртқы істер министрлігінің ресми өкілі Айбек Смадияров бұл сұраққа жауап берді, деп хабарлайды Malim.kz.
Оның айтуынша, бұл - қате ақпарат.
Қазақстанның Ресей түрмелерінде жазасын өтеп жатқан немесе тергеуде жүрген бірде-бір азаматы әскери әрекетке тартылмаған. Мен сізге кепілдік бере аламын, - дейді Айбек Смадияров.
Бұл ретте СІМ өкілінің айтуынша, Қазақстанның 10-ға жуық азаматы тергеуде екендігі туралы фактілер бар.
Бірақ біздің мәліметтеріміз бойынша, олар Telegram арналарында, әлеуметтік желілер арқылы жұмыс тауып, сол үшін барған. Біз олармен бірнеше рет байланысқа шықтық, консул оларға бірнеше рет барды, жеке кездесті және барлық айыптаулардың дұрыстығын қадағалап отырды. Консулдық және құқықтық көмек оларға көрсетіліп жатыр, - деді ол.
Фото: Shutterstock
MalimBlocks
Мұхтар Әблязовтың сыбайласы Алексей Богданов Қазақстанға өз еркімен қайтарылды
Ол «Metropolitan Manageres Corp» (BVI) оффшорлық компаниясының номиналды өкілі, «Беловод крахмал комбинаты» ЖАҚ Басқарма төрағасы және «Маис Агро» ЖШС маманы ретінде банктің 300 млн теңгеден астам сомаға ақша қаражатын жымқырған.
