Ресейдегі терактіге қатысты тағы үш адам ұсталды
Ресейдің Федералдық қауіпсіздік қызметінің қызметкерлері «Крокус сити холлдағы» терактіге қатысы бар деген күдікпен Мәскеу, Екатеринбург және Омбы қалаларынан үш адамды ұстады, деп хабарлайды Malim.kz.
Бұл туралы РБК жазды.
Мәскеу, Екатеринбург және Омбы қалаларында Ресей азаматы мен екі шетелдік азамат ұсталды, олардың барлығы – 2024 жылы 22 наурызда «Крокус сити холл» кешенінде жасалған лаңкестік әрекетке қатысы бар Орталық Азия өңірінен келген иммигранттар», - делінген ведомство хабарламасында.
Еске салсақ, 22 наурызда Мәскеудегі «Кроус Сити Холл» кешенінде терактілік әрекет болды. Қаруланған бір топ адам концертке келген халыққа оқ жаудырды. Кейінірек ғимаратта жарылыс естіліп, соңы өртке ұласты.
Фото: РИА Новости
