Алматы облысында полиция соттан қашқан іздеудегі қылмыскерді ұстады, - деп хабарлайды Malim.kz.
Алматы облысы Полиция департаментінің жедел қызметкерлері Ақши ауылында 1 сәуірде Қарасай ауданаралық мамандандырылған қылмыстық соты аумағынан қашып кеткен күдіктіні ұстады.
"Іздестіру шаралары басталған сәттен облыстың полициясы және Ұлттық ұлан күштері толық жұмылдырылды. Көршілес облыстардың аумақтық бөлімшелері де іздеу жұмыстарына тартылды. Жедел іздестіру іс-шараларының нәтижесінде қашқынның қозғалу бағыты анықталып, полицейлер оның жасырынған жерін тапты. Арнайы бөлім сарбаздарының күшімен күдікті ұсталып, уақытша ұстау изоляторына қамалды", - деп жазылған хабарламада.
Негізгі қылмысынан бөлек, оған қамаудан қашқаны үшін Қылмыстық кодекстің тиісті бабы бойынша қосымша айып тағылды.
Фото: Алматы облысы ПД
