Махамбет ауданының эвакуациялық комиссиясының шешімімен, Талдыкөл ауылының тұрғындарын жалпы түрде эвакуациялау басталды. Су басу қаупінің күшеюіне байланысты, толық эвакуациялау тұрғындардың қауіпсіздігі үшін жасалып отыр, деп хабарлайды Malim.kz.
Атырау облысының ТЖ жөніндегі жедел штабының мәлімдеуінше, тұрғындар Халел Досмұхамедов атындағы Атырау университетінің #1 жатақхана базасындағы эвакопунктке орналасады. Сонымен бірге, өз қалауымен туыстарының үйіне де бара алады.
Қауіпсіздікті қамтамасыз ету мақсатында, Талдыкөл ауылында Қорғаныс министрлігінің 59 сарбазы, Төтенше жағдайлар министрлігінің 17 қызметкері және арнайы техникалар жұмылдырылып жатыр.
Талдыкөлде 207 тұрғын Атырау қаласына эвакуацияланып, 422 тұрғын өз қалауларымен туыстарының үйіне орналасқанын осыған дейін хабарлаған едік. Қазір Талдыкөл ауылында қалған 250 тұрғынды түгел эвакуациялау жүріп жатыр, делінген хабарламада.
Айта кетейік, Талдыкөл ауылында 1,2 мыңға жуық адам тұрады.
Фото: ТЖМ
Байланысты жаналықтар
MalimBlocks
