Су тасқыны: тікұшақпен 1660 адам эвакуацияланды
Әуе кемелерінің көмегімен су басқан аймақтардан осы кезге дейін 1660 адам қауіпсіз жерге көшірілген. Олардың арасында 425 бала бар.
Ал зардап шеккендерге 30 тоннадан астам гуманитиарлық көмек жеткізілген. Бұл туралы ақпарат құралдарына «Қазавиақұтқару» АҚ хабарлады.
Құтқару жұмыстары Ұлытау, Қостанай, Ақтөбе, Атырау, Қарағанды, Павлодар, Ақмола мен Абай облыстарында қолға алынған.
Эвакуация жұмыстарына Қорғаныс, Төтенше жағдайлар және Ішкі істер министрлігінің қызметкерлері тартылған.
Фото: Қазавиақұтқару
