Су тасқынымен күрес: 12 мамырдағы ақпарат

Жайықтың жайылған суы Каспийге жіберілмек

Malim Админ

  • 12.05.2024

Атырау облысында Жайық өзенінің бойында ұзындығы 346,2 км бөген салынды. Бұл су тасқынына қарсы үйінді бөгендер Жайық өзенінің арнасынан шығуын тежейді және судың Каспий теңізіне қауіпсіз өтуіне ықпал етеді. Бүгінгі күні суды өткізу, алдын алу шараларын жүргізу үшін 37 елдімекенде тәулік бойы кезекшілік ұйымдастырылды, деп хабарлайды Malim.kz.

Төтенше жағдайлар министрлігінің хабарлауынша, Құрманғазы ауданында 1 км бөген салу қалды. Салынған бөгендерді қосымша нығайту жұмыстары жүргізілуде, жұмыстар жалғаса береді. Жайық өзенінің су деңгейіне мониторнинг жүргізіліп отыр, оның біртіндеп көтеріліп жатқаны байқалады. Жайық-Индербор және Жайық-Махамбет су бекеттеріндегі су деңгейі шектік белгіден асып түсті. Жағдай бақылауда. Құлсары қаласында су басқан үйлерден су сору жұмыстары жалғасып жатыр. Өткен тәулікте 66 044 текше метр су сорылды.

Өткен тәулікте Солтүстік Қазақстан облысының Петропавл қаласы мен Қызылжар ауданында 333 070 текше метр еріген қар суы сорылып, 165 тұрғын үйден судың бағыты бұрылып, су сорылды, 111 құрғатылған үйде дезенфекциялық жұмыстар жүргізілді. Петропавл қаласының Борки кенті мен Карьерная көшесінде су басқан үйлер жоқ. Күн сайынғы  аэровизуалды тексеру және құрғатылған аумақты дезенфекциялау жұмыстары жалғасу үстінде, делінген ресми хабарламада.

Ақтөбе облысының Ырғыз ауданында бөгеттерді нығайту жұмыстары және Торғай өзені су деңгейіне мониторинг жалғасып жатыр. Өткен тәулікте Құйлыс және Жайсаңбай ауылдарында 3 200 қапшық пен 217 тонна инертті материал төселді, ұзындығы 640 метр салынған бөгендерді нығайту жұмыстары жүріп жатыр.

Республика бойынша 18,5 млн текше метр еріген қар суы сорылып, 11 134 тұрғын үй мен 3 350 аула аумағынан судың бағыты бұрылды. 54 755 адам өз үйлеріне оралды, 5 291 адам уақытша орналасу пункттерінде отыр.

Авариялық-құтқару және су тасқынына қарсы жұмыстарға 737 адам, 997 техника, 297 су сору құралы және 55 жүзу құралы, 6 әуе кемесі жұмылдырылды.

Фото: ҚР ТЖМ

Байланысты жаналықтар

2 бала қайтыс болды: СҚО-да бір отбасы тұшпарадан уланып қалды

14.06.2024

Су тасқыны: Бектенов әкімдерге үйлерді қалпына келтіруді тездетуді тапсырды

11.06.2024

Атырау облысында су деңгейі әлі де қалыпты деңгейден жоғары (ВИДЕО)

09.06.2024

Атырау облысында Өзбекстан азаматтары мінген көлік өртенді

08.06.2024

Атырау облысында бөгеттерде қауіпсіздік күшейтілді

08.06.2024

Су тасқыны: Тоқаев Қанат Бозымбаевқа зардап шеккен үйлердің құрылысын бақылауға алуды тапсырды

07.06.2024
MalimBlocks
2 бала қайтыс болды: СҚО-да бір отбасы тұшпарадан уланып қалды

Отағасы бір күн бұрын отбасының ауылдағы дүкеннен сатып алған тұшпара жеп, кола ішкенін айтқан.

Су тасқыны: Бектенов әкімдерге үйлерді қалпына келтіруді тездетуді тапсырды

Ол көптеген өңірде су тасқынымен күресу үшін құм мен саздан үйінділер жасалғанын, топырақ салынған қаптар пайдаланылғанын атап өтті.

Атырау облысында су деңгейі әлі де қалыпты деңгейден жоғары (ВИДЕО)

Әсіресе, Индербор, Махамбет ауылдарында түспей тұр

Атырау облысында Өзбекстан азаматтары мінген көлік өртенді

Оларды құтқарушылар аман алып қалған

Атырау облысында бөгеттерде қауіпсіздік күшейтілді

Кезекшілер күшейтілген режимде көшкен

Су тасқыны: Тоқаев Қанат Бозымбаевқа зардап шеккен үйлердің құрылысын бақылауға алуды тапсырды

Табиғат апаты кезінде жалпы 11 998 тұрғын үйді, 5 359 саяжай құрылысын су басқан.