Ұлықбек Сманов келушілерін Ақбота Керімбекованың әнімен емдеген
Келушілер қазақша әндерді айтып, теңселіп билеп тұр.
Әлеуметтік желіде асырап алған балаларына қорлық көрсетті деп айыпталған шымкенттік емші Ұлықбек Смановтың сеансынан видео тарады, деп хабарлайды Malim.kz.
Сманов келушілерді қазақша әндерді орындай отырып емдеген тәрізді.
Кадрлардан ер адамдардың бірі тәуіптің белінен ұстап билеп, ал әйелдер жағы эстрада әншісі Ақбота Керімбекованың «Аппақ гүлдер» әнін айтып, теңселіп тұрғанын көруге болады.
Желі қолданушылары мұндай адамдарды қатаң жазалау керектігін айтқан.
«Есі кеткендер, айтар сөз жоқ», «Маған алдағандардан гөрі алданғандар жағымсыз», «Біздің қоғам тұтас театр», «Ел-елді аралап тексеріп, осындай алаяқтарды қамау керек», «Айтарға сөз жоқ. Мына адамдардың миын айналдырып тастаған ғой. Дені дұрыс адамның ісі емес қой», - деп жазып жатыр көпшілік.
Естеріңізде болса, асырап алған алты баласына мысықтың еті мен зәрін берген шымкенттік емші Ұлықбек Сманов таяуда ұсталған еді. Оның қамқорлығына алған балалардың ең үлкені 16 жаста болса, кішісі 3 жаста.
Байланысты жаналықтар
MalimBlocks
