Үш баланы өлтіру. Полицейлер бірін бірі терістеп жатыр.

«Сириядағы соғысқа қатыспаған». Бір жарым ай бұрын Ақтауда ажырасқан әйелінде кеткен үш баласын қастандықпен өлтірген әкенің діни жат ағымның жетегінде кеткені туралы ел арасында түрлі әңгіме айтылған еді

  • 04.05.2023

Кейін оның Сириядағы соғысқа қатысып, Қазақстанға арнайы «Жусан» операциясы аясында «оралғаны» көпшілік арасына тарап кетті.

Алайда Сириядағы соғысқа қатысты деген әңгімені Маңғыстау облыстық Полиция департаменті жоққа шығарды. Баспасөз қызметінің хабарлауынша, бейнеулік жігіт Сириядағы соғысқа бармаған. Атын атағысы келмеген күдіктіні жақын танитын ауылдасы да бұл деректі растады. Дегенмен, мұндай әңгіменің шығуына полиция қызметкерінің пікірі түрткі болған көрінеді.

«Учаскелік полиция инспекторының наурыз айында балаларын өлтірген Ақтау тұрғыны қазақстандықтарды Сириядан қайтару жөніндегі «Жусан» операциясының қатысушысы болғаны және есепте тұрғандығы туралы түсініктемесі екі рет тексерілді. Бұл ақпарат шындыққа сәйкес келмейтіні анықталды. Осыған байланысты қызметкермен алдағы уақытта мұндай деректерге жол бермеу туралы профилактикалық әңгіме жүргізілді», - деді МО ПД баспасөз қызметі.

 Қазір қамауда отырған оның ауылдасы күдікті Маңғыстау облысына қарасты Бейнеу ауданының тумасы. Ауылдастарының бірі оны жақын танитынын, сонымен бірге, бір мектепте оқығанын атады. Айтуынша, ол баяғыдан бері дін жолында көрінеді.

«Бейнеу ауданының жігіті ғой. Ы.Алтынсарин атындағы мектепте бізден төмен сыныпта оқыды. Кейін ел оны дінге бет бұрып, салафилік бағытта жүргенін айтатын. Ауылдасымыз болған соң танимыз. Қылмыстық оқиғаны естіп елмен бірге сене алмадық. Неліктен мұндай қадамға барғаны бізге түсініксіз, - дейді күдіктінің ауылдасы.

Анықталған дерек бойынша күдікті 1986 жылы туған. Өткен жылдың күзінде отбасымен ажырасып, үш баласы әйелінде қалған. Кейін бұрынғы әйелі балалармен Атырау облысына қоныс аударған көрінеді. Көктемгі демалыста Ақтаудағы әкесіне қыдырып келген үш баланы сол күні көршілері көрген. Олардың екеуі қыз, кенжесі ұл бала болған.

 «Оқиға болған күні әкесі үш баласымен бірге таксиден түсіп, үйге кіріп бара жатты. Бұл қай жақтың адамы екен деп басымды бұрып қарадым. Себебі, екі қызының басында хиджабы бар еді. Түс ауа көршілер «үш баласын өлтіріпті» деп шулап жатты. Бұған дейін ол жігітті көргенім жоқ. Тіпті, басқа көршілер де білмейді екен», - дейді Ұлсын Ақбергенова.

Ақтаудың 27 шағын ауданындағы көпқабаттың үйдің бірінде табылған үш жасөспірім  2011, 2014 және 2016 жылы туған. Нақтыланбаған кейбір деректер бойынша, ажырасқан әйел балалардың әкесінен алимент талап еткен. Сонымен бірге, күдіктінің танысы оның Ақтаудағы жиһаз цехында жұмыс істегенін, көп сөйлемегенімен, жайдары адам болғанын атады.

Айта кететін бір жайт, бұған дейін полиция оның қылмыс барысында мас болғаны туралы ресми хабарлаған. Сондай-ақ, бұл жантүршігерлік оқиға Маңғыстау облысындағы алғашқы жағдай емес. Өткен жылдың соңында Мұнайлы ауданында үш баласын асып өлтіріп, соңынан өзін қол салған қылмыстық оқиға болған еді.

Байланысты жаналықтар

Бала зорлағандар қалай жазаланатыны белгілі болды

28.11.2023

Деструктивті діни ағымның жақтаушылары қолға түсті

29.09.2023

Актер Кененбай Қожабековке жауыздық жасаған кім?

09.08.2023

Депутат жоқ малға субсидия алып отырған

18.05.2023

«ӨКМ Операторы» ісі. Адвокат материалдармен таныспаған судьяны ауыстыруды талап етті  

17.04.2023

750 келі. Мейрамханаға ит етін сатқан адам ұсталды

23.02.2023
MalimBlocks
Бала зорлағандар қалай жазаланатыны белгілі болды

Мұндай әрекетке барған адам келесіде ауыр қылмыс жасайды

Деструктивті діни ағымның жақтаушылары қолға түсті

«Ұрлық» бабы бойынша ауыр қылмыс жасағаны үшін іздестірілген

Актер Кененбай Қожабековке жауыздық жасаған кім?

Осыдан кейін Нұрмұхан Жантөрин екеуі мүлдем араласпай кеткен

Депутат жоқ малға субсидия алып отырған

600 бас ірі қара мал сатып алуға берген несие қаражатын заңсыз алған

«ӨКМ Операторы» ісі. Адвокат материалдармен таныспаған судьяны ауыстыруды талап етті  

Прокурор да, сот та айыпталушының шағымын қарамаған

750 келі. Мейрамханаға ит етін сатқан адам ұсталды

Ит аулаушы ұсталды