Жап-жас әйелі мен кішкентай балалары бар: қорғаныс министрі отбасын көрсетті
Руслан Жақсылықов қорғаныс министрі лауазымына 2022 жылы тағайындалған.
Қазақстан қорғаныс министрінің отбасымен түскен суреттері әлеуметтік желіде жарияланды, деп хабарлайды Malim.kz.
Министрдің отбасылық портреті Астанадағы фотостудиялардың бірінің Instagram-аккаунтында жарияланды. Суретте: генерал-полковник Руслан Жақсылықов, әйелі, үлкен қызы мен екі ұлы.
Отбасының барлық мүшесі арнайы әскери киім киген, ал пиджактары ордендермен көмкерілген.
Пікір білдірушілер ведомство басшысының отбасылық суреттерін бұлай жария ету қаншалықты дұрыс екендігін де талқылаған. Фотостудия өкілдері суреттерді клиенттерінің келісімімен ғана жариялайтынын алға тартқан.
Біз клиенттің рұқсатынсыз суреттерін жарияламаймыз, өзінің атақ-даңқына қарамастан келісімін беретіндерге алғысымыз шексіз, - делінген жазбада.
Айта кетейік, Руслан Жақсылықов 1966 жылы Алматы облысында туған. 2022 жылғы қаңтардан бері еліміздің қорғаныс министрі.
Фото: @vsphotoastana/Instagram
