Өскеменде патрульдік полицейге шабуыл жасаған екі ер адам ұсталды. Полиция мәліметінше, олар инспекторға жасөспірімге көмектесу кезінде шабуыл жасаған, деп хабарлайды Malim.kz.
Оқиға 2026 жылғы 22 наурызда Өскемендегі Сағадат Нұрмағамбетов көшесінде болған.
Патрульдік полиция қызметкерінен жасөспірім көмек сұрап, екі бейтаныс адамның агрессивті әрекетіне шағымданған.
Полицей оқиға орнына келгенде, мас күйдегі екі қала тұрғыны оған шабуыл жасаған. Кейін қылмыскерлер қашып кеткен, бірақ аз уақыттан кейін екеуі де ұсталды. Күдіктілер уақытша ұстау изоляторына қамалды.
