Түрмеде жатқан оппозициялық саясаткер Алексей Навальныйдың жақтастары митинг өткізбек.
Навальныйдың сайтында жарияланған «Навальныйды қалай босатамыз. Біздің жоспарымыз» деп аталатын мәлімдемеде саясаткердің жақтастары Леонид Волков, Мария Певчих және Иван Жданов халықты бейбіт митингке шақырды.
Онда олар наразылыққа шығатын халықтың саны 500 мыңға жеткен уақытта митингтің күні мен уақытын жариялайтындарын айтты. Жарты миллион адамды тіркеу үшін олар арнайы free.navalny.com сайтын ашқан. Қазірдің өзінде Ресей бойынша митингке қатысуға 170 мыңнан астам адам дайын екендерін білдірген.
Оппозициялық саясаткер Алексей Навальныйды ақпанның 2-і күні Мәскеудің Симонов аудандық соты «Ив Роше» ісі бойынша 2 жыл 8 айға түрме жазасына кескен. Осыдан кейін саясаткерлердің жақтастары халықтың бейбіт митингке шығуға шақырған. Ақпан айында Ресейдің 180 қаласында наразылық акциясы өтіп, 12 мың адам ұсталған.
Қазір Алексей Навальный Мәскеуден 110 шақырым жерде орналасқан ИК-2 түзету мекемесінде жазасын өтеп жатыр.
Байланысты жаналықтар
MalimBlocks
Борис Джонсон Дональд Трампқа Украина мен Ресейді татуластыру туралы ұсыныс айтты
Ұлыбританияның экс-премьер-министрі және Украинаға әскери көмек көрсетуде белсенді қолдаушы Борис Джонсон британдық "Daily Mail" басылымына жазған бағанында бірқатар жайттарды алға тартты. Мақалада ол Дональд Трамп қайта сайланған жағдайда Украинаны құтқара алатынына сенім білдірген.
