Әбдірахымов Мәсімовпен бірге істі болғанын жоққа шығарды
Шымкенттің бұрынғы әкімі Ғабидолла Әбдірахымов «алаяқтық» жасады деп күдікке ілінгені туралы ақпаратты жоққа шығарды.
«“Ауыр қылмыс жасады”, деп айыптау өз алдына ауыр қылмыс болып табылады. Азаматтық көзі ашық қоғамда “Кінәсіздік презумпциясы” толық сақталу керек. Өсек-аяңға емес, нақты ресми ақпараттарға сенуге шақырамын», -деп жазды Әбдірахымов.
Айта кетейік, кеше ҰҚК бұрынғы төрағасы Кәрім Мәсімов пен Шымкенттің бұрынғы әкімі Ғабидолла Әбдірахымовке қатысты «алаяқтық» бабы бойынша іс қозғалғаны туралы «Kozachkov offside» telegram-арнасы хабарлаған.
Кәрім Мәсімов қазір «елдегі билікті күшпен басып алмақ болды» деген айыппен қамауда отыр.
Байланысты жаналықтар
MalimBlocks
Мәсімовті қолдап жүрген кімдер?
Желіде «Мемлекеттік төңкеріс жасамақ болды» деген күдікке ілініп қамауда отырған Ұлттық Қауіпсіздік комитетінің бұрынғы төрағасы Кәрім Мәсімовті қолдау сайты пайда болды. Онда Мәсімовті Қазақстан модернизациясы архитекторларының бірі деп сипаттап, оның ел үшін істеген еңбегімен қатар не үшін қамалып отырғаны туралы ақпарат жарияланған.