Шаңырақ оқиғасынан кейін 18 жылға сотталып, жуырда ғана денсаулығына байланысты бостандыққа шыққан Арон Атабек ауруханаға түсті. Бұл хабарды фейсбукте қоғам белсендісі Ғабиден Жәкей жазды.
«ШҰҒЫЛ!!!
АРОН ағаны жедел жәрдем көлігімен Бауыржан Момышулы 1/55 мекен жайдағы, жаңадан соғылған "Саялы" ковидорталығына әкетіп бара жатырмыз.
Халайық, журналистер, қоғам белсенділері келіп, қолдау көрсетулеріңізді сұраймыз!!!», - деді Ғ. Жәкей.
Естеріңізде болса, Қазанның 1-і күні Павлодар қалалық №2 cоты Арон Атабектің денсаулығына байланысты жазасын жеңілдету жөніндегі түрме әкімшілігінің өтінішін орындады.
Сот ақпараты бойынша, дәрігерлер Арон Атабектің емі жоқ сырқатқа (омыртқааралық дискісінің зақымдануы) ұшырағанын анықталған. Сот Арон Атабектің бостандығын шектек жазасын 1 жыл пробациялық бақылау орнату жазасына ауыстырған.
Арон Атабек 2006 жылы Шаңырақ оқиғасынан кейін 18 жылға сотталған. Құқық қорғаушылар осыдан бір апта бұрын диссиденттің ауруханаға түскенін хабарлаған. Оның алдында Қазақстандағы Ұлттық алдын алу тетігі өкілдері Арон Атабектің денсаулығы нашар екенін мәлімдеген. Осыдан кейін құқық қорғаушылар әлеуметтік желіде 2,5 мың адамның қолын жинап, президент Қасым-Жомарт Тоқаевтың атына Арон Атабекті рақымшылықпен босатуды сұрап хат жолдаған.
15 жыл түрмеде отырған Арон Атабек осы уақытқа дейін мерзімінен бұрын босату өтінішін жазудан бас тартып келген. Ол бостандыққа шыққан соң түрмеде өткізген жылдарына өтемақы талап ететінін мәлімдеген.
MalimBlocks
Бүгін Әбіш Кекілбаевтың туған күні
Желтоқсан айының 6-жұлдызы мемлекет және қоғам қайраткері, қазақ әдебиетінің көрнекті өкілі, жазушы Әбіш Кекілбаевтың туған күні. Осыған орай танымал ғалым, қоғам қайраткері, парламент сенатының депутаты Дархан Қыдырәлі Facebook әлеуметтік желісіндегі парақшасында естелік жазды.
Ақын Тоқтарәлі Таңжарық өлеңдері
Тоқтарәлі Таңжарық 1982 жылы ҚХР, Шыңжаң өңірінде дүниеге келген. «Түн парақтары» кітабының авторы. Ақын, журналист. "Дала мен Қала", "Қазақ Әдебиеті" газеттерінде жауапты қызмет атқарған. Қазір "Түркістан" басылымы редакторының орынбасары. Тоқтарәлі «Серпер» жастар сыйлығының иегері. Ақын өлеңдері «Еуропа ақындарының конкурсы» аясында поляк тілінде кітап болып жарық көрген. Тоқтарәлі Таңжарық Польшада өткен конкурсқа бүкіл Орта Азиядан Қазақстан атынан қатысқан бірден-бір ақын.
