«Дикий» Арман әзірше қамаудан босатылмайды. Арман Жұмагелдиевті қамау мерзімі тағы екі айға ұзарды. Алматы қалалық сотының баспасөз қызметі осылай деп мәлімдеді.
3 маусымда Алматы ауданаралық соты тергеу өтінішіне байланысты Арман Жұмагелдиевті қамау мерзімін 7 тамызға дейін созды.
Еске салайық, "Дикий Арман" лақап атымен танымал Арман Жұмагелдиев Нұр-Сұлтан сотының шешімі бойынша екі айға қамалған болатын. Прокурор Р.Ожаровтың айтуынша, кейінірек қылмыстық топ 24 бейбіт тұрғынды ұрлап, күштеп ұстағаны анықталған.
Сонымен қатар, Бас прокуратура өкілі Дикий Арман мен оның тобының 14 мүшесі қамалғанын айтты. Ал 18 наурызда Арман Жұмагелдиевті қамау уақыты 7 сәуірге дейін ұзарғаны хабарланды.
