Павлодар облысының прокуратурасында өз-өзін атып тастаған полиция қызметкері төңірегіндегі дау басылмай тұр.
Өткен аптада БАҚ өкілдері Павлодар облысының прокуроры Қайрат Әбдіхановтан Железин ауданында өз-өзін иығынан атып тастаған полиция майоры Рақым Үнбаевтың оқиғасы жөнінде түсініктеме беруін сұрап сан мәрте хат жолдаған. Бірақ Әбдіханов БАҚ-қа әлі күнге дейін жауап берген жоқ.
Бұған дейін Рақым Үнбаевтың әкесі Нұрлан Үнбаев ұлы өз-өзіне қол жұмсамақ болған уақытта Железин ауданының прокурорлары жұмыс орнында ішімдік ішіп отырған. Жедел жәрдемді прокуратураға барған екінші полиция қызметкері шақырған.
Бұдан бөлек, Нұрлан Үнбаев ұлын жақында ғана прокурордың орынбасары болып тағайындалған Әлібек Айтжанов өз-өзіне қол жұмсауға итермелегенін айтқан.
Әлібек Айтжанов экс-ұлттық экономика министрі Қуандық Бишімбаев пен «Астана ЭКСПО-2017» ұлттық компаниясының экс-басшысы Талғат Ермегияевтің сот процестерінде мемлекеттік айыптаушы болған. Оның аудандық прокурордың орынбасары қызметіне қалай тағайындалғаны белгісіз.
Қайрат Қожамжаров бас прокурор болып тұрған уақытта Әлібек Айтжанов Нұр-Сұлтан қаласы прокуратурасының тергеу басқармасының басшысы болып қызмет атқарған. Курстасы Олеся Кексельмен жақсы қарым-қатынаста болған. Олеся Кексель 2019 жылы азаптау дауына қалған.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
