Сенат кулуарында бас прокурордың орынбасары Әсет Шындалиев LRT ісіне қатысты іздеуде жүрген Астана әкімінің бұрынғы орынбасары Қанат Сұлтанбеков пен «Астана LRT» жауапкершілігі шектеулі серіктестігінің бұрынғы басқарма төрағасы Талғат Арданды экстрадициялау туралы айтты, деп хабарлайды Malim.kz.
Бізде іздеудің бірнеше түрі бар. Еліміздің құқық қорғау органдары негізінен мемлекетішілік іздеумен айналысады. Ал Интерпол халықаралық іздеу бойынша жұмыс істейді. Біз Интерполға тиісті тапсырма береміз, кейін олар айналысады.Адамды экстрадициялау үшін Интерпол күдіктінің орналасқан жерін дәл анықтап, ол жүрген тараппен ұстау шараларын жүргізуі керек. Осыдан кейін тұтқындауды бастауға болады. Әзірге Интерпол тарапынан осы адамның орналасқан жері туралы нақты деректер немесе ұстау шараларын жүргізу туралы ақпарат болған жоқ, - дейді Әсет Шындалиев.
Оның айтуынша, экстрадициялау үшін Интерпол алдымен күдіктінің нақты қай елде екенін анықтап, сол елдің құзырлы органдарымен бірге оны ұстау шараларын жүргізуі тиіс.
Қазіргі уақытта Интерпол күдіктілердің орналасқан жері туралы нақты мәлімет берген жоқ, сондай-ақ ұстау немесе қамауға алу туралы да ақпарат түспеді, – деді бас прокурордың орынбасары.
Фото: ашық дереккөз
Байланысты жаналықтар
MalimBlocks
