Могиканның соңғы тұяғы. Назарбаевтар билігі бітті ме?

Желіде мәжіліс депутаты Дариға Назарбаеваның отставкасын талап ететін петиция пайда болды.

Ақниет Аманжолқызы

  • 11.02.2022

«Тұңғыш президенттің қызы Дариға Назарбаеваның отставкасы туралы мәселе талқыға түсіп жатыр. Алайда ол әлі күнге Орталық сайлау комитетіне ресми өтініш бермеген. Оның көмекшісінің сөзінше, Назарбаева қазір коронавирустан  емделіп жатыр. Ал кейбір ақпарат көздері оның Дубайға кетіп қалғаны туралы мәліметтер таратты. Біз Дариға Назарбаеваның отставкасын талап етеміз!» — делінген петицияда.

Петицияны мына жерден толық көре аласыз.

Бүгін түскі 12-ден өте жарияланған петицияға жарты сағат ішінде 200-ге жуық адам қол қойған.

Айта кетейік, кеше мәжіліс депутаты Айдос Сарым «Дариға Назарбаева өз еркімен отставкаға кетуі керек» деп пікір білдірген.

Оқи отырыңыз: Айдос Сарым: Считаю, что Дарига Назарбаева должна добровольно подать в отставку

Назарбаева жыл басынан бері жұмысқа шықпаған.

Естеріңізге сала кетейік, жыл басында Маңғыстау облысында газ бағасының қымбаттауы салдарынан жаппай наразылық акциялары басталған. Кейіннен оларды елдің басқа өңірлері қолдап, экономикалық-әлеуметтік мәселелермен қатар, саяси өзгерістер де талап етілген. Елдің бірнеше өңірінде оқ атылған.

5 қаңтар күні үкімет отставкаға кетіп, президент газ бағасының түскенін хабарлады. Бұған қарамастан елде қарсылық жалғасып, интернет бұғатталып, билік «террористер шабуылдады» деген ақпарат таратқан. 6 қаңтар күні 2016 жылдан бері ҰҚК басқарып келе жатқан Кәрім Мәсімов «елге сатқындық жасады» деген айыппен ұсталды.

Оқиға салдарынан құқық қорғау органдары ғимараттары мен мемлекеттік маңызы бар обьектілер өртенген. Билік 20 мың «террорист» шабуылдады деген ақпарат таратқан. Төтенше жағдай 19 қаңтарға дейін жарияланған.

7 қаңтар күні президент Қасым-Жомарт Тоқаев «ескертусіз оқ ату» туралы бұйрық бергені туралы айтқан.

Президент жағдайды тұрақтандыру үшін ҰҚШҰ елдерінен әскери көмек сұрады. Қазақстанға Ресей, Армения, Тәжікстан, Беларусь пен Қырғызстан әскері келді. 13 қаңтар күні оларды кері қайтару басталды.

Ресми ақпарат бойынша қаңтар оқиғасы салдарынан елде 227 азамат қайтыс болған. Оның ішінде әскерилер мен полицейлер саны – 19. Қайтыс болғандар арасында кәмелеттік жасқа толмаған 3 бала бар.

Бас прокуратура қайтыс болғандар тізімін жариялаудан бас тартты. Мемлекеттік хатшы Ерлан Қарин бейбіт адамдарға оқ атылмағаны туралы айтты.

Байланысты жаналықтар

Диктатор десең, диктатор бола салады

07.02.2020

Тоқаевтың тапсырмаларын орындауға 1,6 трлн теңге бөлінеді

04.09.2020

Дәрігерлерге үстемақы берілді

12.04.2020

Тоқаев пен Зеленскийдің сөйлесуіне Украина бастамашы болған

03.03.2022

Сарапшылар сайлау қашан өтетінін айтты

19.10.2020

Дулат Ағаділдің туыстары халықаралық қауымдастықтан көмек сұрады

19.06.2020
MalimBlocks
Диктатор десең, диктатор бола салады

Тоқаевтың тапсырмаларын орындауға 1,6 трлн теңге бөлінеді

Дәрігерлерге үстемақы берілді

Тоқаев пен Зеленскийдің сөйлесуіне Украина бастамашы болған

Қазақстан президенті Қасым-Жомарт Тоқаев Украина президенті Владимир Зеленскиймен және Ресей президенті Владимир Путинмен телефон арқылы сөйлесті.

Сарапшылар сайлау қашан өтетінін айтты

Дулат Ағаділдің туыстары халықаралық қауымдастықтан көмек сұрады