Бұл туралы Орталық коммуникациялар қызметінде өткен брифингте Қорғаныс министрлігінің Әскери білім және ғылым департаментінің бастығы Мұрат Олжабаев мәлімдеді, деп хабарлайды Malim.kz.
Оның айтуынша, қазіргі кезде мектептерде алғашқы әскери дайындыққа бөлінетін уақыт тым аз. Сондықтан Қорғаныс министрлігі мен Оқу-ағарту министрлігі бірлесіп пәннің жаңа бағдарламасын әзірлеп жатыр.
"Мектептерде алғашқы әскери дайындыққа өте аз уақыт бөлінеді. Біздің министрлік оқу-ағарту министрлігімен бірлесіп жаңа бағдарламаны қарастырып жатыр", – деді ол.
Жаңа бағдарлама аясында оқушылардың әскери-патриоттық рухын арттыруға бағытталған қосымша іс-шаралар ұйымдастырылып, алғашқы әскери дайындық пәні бойынша жеке сабақтар саны көбейтіледі.
